Sonuncu skaut

2065-ci ildə «Peqas» kosmik gəmisinin heyəti bəşəriyyət üçün yeni yaşayış məskəni axtarışına çıxır. Astronavtlar addım-addım insan növünün sığınacağı ola biləcək yad bir dünyaya yaxınlaşırlar. Hədəfə çatmazdan əvvəl onlar üçün hər bir detal böyük əhəmiyyət kəsb edir.

Yolda başqa bir kosmik gəminin aşkarlanması vəziyyəti tamamilə dəyişir. Bu tapıntı həm insanların qurtuluş ümidi, həm də bütün bəşəriyyətin məhvi ola bilər. Ekipaj üzvləri rastlaşdıqları bu sirli obyektin arxasında nə dayandığını anlamağa çalışırlar.

«The Last Scout» adlı elmi-fantastik filmin rejissoru baş rollardan birini canlandıran Saymon Fillipsdir. Böyük Britaniya və Almaniya istehsalı olan bu ekran əsəri 2017-ci ildə nümayiş olunub. Layihədə Terri Vilkerson, Larri Devis və Rita Ramnani kimi aktyorlar yer alıb.