Əbədiyyət kodu

Nüfuzlu elmi-tədqiqat şirkəti genetika sahəsində böyük bir yeniliyə imza atır. Mütəxəssislər insan şüurunu başqa bir bədənə köçürməyə və sonsuz ömür sürməyə imkan verən texnologiya yaradırlar. Lakin şirkətin rəhbəri Bricit bu kəşfin yarada biləcəyi təhlükələri anlayaraq layihənin fəaliyyətini dayandırmaq qərarına gəlir.

Tədqiqatların qarşısını almaq cəhdi dünyanın ən zəngin adamlarının ciddi müqaviməti ilə qarşılaşır. Nüfuzlu şəxslər unikal prototipə sahib çıxmaq üçün heç nədən çəkinmirlər. Bu vəziyyət texnologiyanı ələ keçirmək istəyənlərlə onu gizlətməyə çalışanlar arasında təhlükəli toqquşmalara səbəb olur.

ABŞ istehsalı olan «Eternal Code» trilleri rejissor Harli Uollen tərəfindən 2019-cu ildə çəkilib. Ekran əsərində əsas rolları Ancela Roberts, Viktor Pitko, Kimberli Kruşon Bruks və Yan Birç canlandırıblar.