Xüsusi təyinatlılar: Mühasirədə

Xüsusi təyinatlı dəstənin üzvləri narkotiklərlə mübarizə şöbəsinin əməkdaşları ilə bir araya gəlir. Onların əsas hədəfi narkotik şəbəkəsinin nümayəndələrini zərərsizləşdirmək üçün təşkil olunan birgə əməliyyatı həyata keçirməkdir.

Qanun keşikçilərinin planı cinayətkarların gözlənilməz müqaviməti ilə üzləşir. Narkokartel üzvlərini aradan qaldırmaq cəhdi xüsusi xidmət orqanları üçün gərgin və təhlükəli qarşıdurmaya çevrilir.

ABŞ istehsalı olan «S.W.A.T.: Under Siege» döyüş filmi 2017-ci ildə rejissor Toni Cilyo tərəfindən lentə alınıb. Triller janrındakı ekran əsərində baş rolları Fransisko Kano, Oliviya Çenq, Kira Zaqorski və Omari Nyuton canlandırıb.