Vampir qadın

Jurnalist Sedi şəhərdə törədilən amansız və qanlı cinayətlərin səbəbini araşdırmağa çalışır. Bu qətllərin arxasında dayanan vampirlər qızın onların izinə düşdüyünü anlayırlar. Təqibçilər Sedini yaxalayaraq onu dişləyirlər.

Ölümxananın soyuq divarları arasında gözlərini açan gənc qadın boynundakı izləri görür və artıq vampirə çevrildiyini başa düşür. Onu bu hala salanlardan qisas almağa qərar verən qəhrəman onların axtarışına başlayır. Bu təqib zamanı o, qızı həmin dəstə tərəfindən qətlə yetirilmiş detektiv Roulinslə qarşılaşır.

«Vampir qadın» (Rise) filmi 2006-cı ildə ABŞ-da rejissor Sebastyan Qutyerres tərəfindən çəkilib. Döyüş və triller janrındakı ekran əsərində Yen S. Takahaşi, Kameron Qudman, Tia İsli və Anastasiya Baranova rol alıb.