Ölümcül siyahı

Biznesində ard-arda problemlərlə üzləşən Allan Kempbell barda Conas Arbor adlı qəribə bir adamla tanış olur. Conas özünün peşəkar qatil olduğunu bildirir və heç bir ödəniş tələb etmədən Allana istədiyi beş nəfəri aradan qaldırmağı təklif edir. Bu sözləri zarafat hesab edən Allan beş nəfərlik bir siyahı tərtib edir.

Lakin ertəsi gün siyahıdakı insanlar ardıcıllıqla qətlə yetirilməyə başlayır. «Ölümcül siyahı» filminin baş qəhrəmanı həm polisin təqibi ilə qarşılaşır, həm də daxili peşmanlıq hissi ilə mübarizə aparır. İndi o, qatili vaxtında dayandırmaq və növbəti qurbanları xilas etmək məcburiyyətindədir.

Ekşn və triller janrında çəkilmiş bu filmin rejissoru Vilyam Kaufmandır. Layihə 2011-ci ildə ABŞ-da istehsal olunub. Əsas obrazları Koul Hauzer, Cinni Veyrik, Berri Holland və C.P. O'Şonessi canlandırıblar.