Ölüm dərəsi

Bir qrup hərbçi yeraltı məxfi laboratoriyada sağ qalmış alim qadını xilas etmək tapşırığı alır. Əsgərlər hədəfə çatmamış yerli silahlı qüvvələrlə qarşıdurmaya girməli olur və bu döyüşlərdə itkilər verirlər.

Sığınacağın içinə daxil olduqdan sonra isə döyüşçüləri daha qorxunc bir təhlükə gözləyir. Tədqiqatçıların hazırladığı virus insanları qaniçən varlıqlara çevirərək onların həm zahiri görkəmini, həm də davranışlarını tamamilə dəyişib. Heyət təhlükəli laboratoriyadan sağ çıxmaq üçün mübarizə aparır.

«Death Valley» qorxu və döyüş filmi 2021-ci ildə Kanadada istehsal olunub. Layihənin rejissoru Metyu Ninaber həm də Castin Mouses, Brent Treymeyn və İtan Mitçell ilə birlikdə əsas rollardan birini ifa edib.