Aclıq

Bir-birini tanımayan beş nəfər çıxışı olmayan yeraltı kamerada ayılır. Çox keçmir ki, onlar kimsə tərəfindən təşkil edilmiş qəddar bir sınağın iştirakçısına çevrildiklərini anlayırlar. Bu qapalı məkanda insan iradəsinin və yaşamaq istəyinin sərhədləri yoxlanılır.

Günlər keçdikcə xilas olmaq ümidi tükənir və məhbusları dəhşətli qida çatışmazlığı bürüyür. Zaman ötdükcə dözülməz aclıq hissi bu çarəsiz insanların daxilindəki insani keyfiyyətləri yox etməyə başlayır.

ABŞ istehsalı olan «Aclıq» filmi 2009-cu ildə işıq üzü görüb və triller, qorxu, cinayət janrlarını birləşdirir. Ekran əsərinin rejissoru Stiven Hentcesdir, əsas rolları isə İvonn Stensil, Linden Eşbi, Devid Nikolson və Lia Kol canlandırıb.