Pasiyent Zero

Alison adlı gənc qadın anası və yöndəmsiz sevgilisi Mikaellə birlikdə Şərqi Avropadakı plastik cərrahiyyə mərkəzlərindən birinə yollanır. Qızın məqsədi sinəsinin ölçüsünü kiçiltməkdir, lakin bu qərar yaxınlarını və xəstəxana işçilərini təəccübləndirir. Tibb müəssisəsində isə sanitar qaydalara məhəl qoyulmur və gizli şəkildə kök hüceyrələri üzərində təcrübələr aparılır.

Alison əməliyyat otağına aparılarkən, Mikael xəstəxananın içində gəzişir və qəribə bir mənzərə ilə qarşılaşır. O, çarpayıya bağlanmış qadını görür və təsadüfən onun kəndirlərini açır. Azadlığa çıxan bu varlıq insan ətinə ac olan qorxunc bir məxluqa çevrilərək bütün binanı xaosa sürükləyir.

«Pasiyent Zero» (Yummy) filmi 2019-cu ildə Belçikada çəkilib. Komediya və qorxu elementlərini birləşdirən ekran işinin rejissoru Lars Damuazodur. Baş rolları Tom Audenart, İzabel van Heke, Bart Hollanders və Stiv De Ruver canlandırıb.