Doqquz həyat

Xüsusi xidmət orqanları keçmiş xüsusi təyinatlı Din Keyci rəqibləri ilə səhv salırlar. Nəticədə ona insan iradəsini kənar təsirlərə tabe edən təhlükəli maddə yeridilir. Din onların əlindən qaçmağı bacarsa da, kimyəvi maddənin təsiri altında özünü hələ də döyüş meydanında hiss edir.

Reallıq hissini itirən qaçqın gözlənilməz addımlar atmağa başlayır. Ən yaxın dostunun başına nə gəldiyini anlayan yeganə şəxs polis detektivi Emi Naytdır. Zəhərin təsirini dayandıran zərdab tapılmasa, Dinin həyatı bir neçə saatdan sonra başa çatacaq.

2004-cü ildə çəkilmiş «Doqquz həyat» filmi ABŞ və Aruba birgə istehsalıdır. Ekran əsərinin quruluşçu rejissoru Devid Karsondur, baş rollarda isə Devid Skofild, Bad Devis, Endrü Dolan və Qari Oliver çıxış edirlər.