İzcilik

Hadisələr Kolumbun kəşfindən altı yüz il əvvəl Şimali Amerika torpaqlarında cərəyan edir. Bura qədəm qoyan vikinqlər yerli hinduların məskənlərinə hücum edir və qanlı toqquşma baş verir. Döyüşdən sonra tənha qalan vikinq uşağı düşmən sayılan qəbilənin sığınacağına düşür, lakin hindular onu öldürmür və öz övladları kimi böyüdürlər.

On beş il sonra gənc döyüşçü yenidən öz doğma xalqının nümayəndələri ilə üz-üzə gəlir. Bu qarşılaşma onu böyüdən hindular üçün ağır itkilərlə nəticələnir. Belə olduqda, yadelli gənc bu amansız qırğına birdəfəlik son qoymaq məqsədilə öz soydaşlarına qarşı çıxmaq qərarı verir.

«İzcilik» (Pathfinder) filmi 2006-cı ildə ABŞ və Kanadanın birgə istehsalı kimi təqdim olunub. Döyüş və macəra janrında çəkilən ekran əsərinin quruluşçu rejissoru Markus Nispeldir, əsas rolları isə Ralf Möller, Kevin Loring, Ken Cons və Berkli Daffild canlandırıb.