Meqalodon

Pol ailəsi ilə birlikdə dincəlmək üçün sakit və gözəl bir sahil qəsəbəsinə yollanır. Lakin mənzərəli təbiət qoynunda yerləşən bu kəndə çatdıqda, oranın tamamilə tərk edildiyini və dağıdıldığını görürlər. Ərazidə dolaşan əfsanələrə görə, yaxınlıqdakı sularda təbiəti insanlardan qoruyan və yoluna çıxan hər şeyi məhv edən nəhəng yırtıcı — Qara İblis adlı meqalodon yaşayır.

Nə baş verdiyini anlamaq istəyən ailə sahildən aralıdakı platformaya üz tutur, lakin orada tələyə düşür. Quru ilə əlaqəsi kəsilən Pol doğmalarını qədim su canavarından xilas etmək üçün çıxış yolu axtarmaq məcburiyyətində qalır.

«Meqalodon» (The Black Demon) filmi 2023-cü ildə təqdim olunub. Layihənin rejissor kürsüsündə Adrian Qrünberq əyləşib, əsas obrazları isə Coş Lukas, Xulio Sedilyo, Xorxe A. Ximenes və Omar Paten canlandırıb.