Qatilin məcəlləsi

Otuz ildən çox əvvəl Vyetnamda muzdlu qatil azyaşlı qızı xilas edərək özü ilə aparır və ona sənətinin sirlərini öyrədir. İllər sonra Anna və onun himayədarı Mudi yüksək qonorar qarşılığında bütün dünyada təhlükəli sifarişləri birlikdə yerinə yetirirlər. Anna cinayətkar fəaliyyətindən kənarda Londonda nadir kitablar mağazası işlədir və sakit həyat tərzi sürür.

Lakin müəllimi ondan müəyyən bir şəxsi axtarıb tapmağı xahiş etdikdə hər şey dəyişir. Çox keçmədən Mudi muzdlu qatillər tərəfindən qətlə yetirilir, onun ardınca isə Annaya qarşı hücum təşkil olunur. Özünə göndərilən qatilləri zərərsizləşdirən Anna cinayətin arxasında duranları tapmaq və ustadının intiqamını almaq qərarına gəlir.

«The Protégé» filmi rejissor Martin Kempbell tərəfindən ekranlaşdırılıb. 2021-ci il istehsalı olan bu döyüş və kriminal detektiv layihəsində baş rolları Meqqi Kyu, Patrik Məlahayd, Cek Dercs və Velizar Binev canlandırır.