Athidhi

Kimsəsiz bir uşağı övladlığa götürən ailə ona Atidi adını verir. Lakin çox keçmədən bu ailə qətlə yetirilir və əlində silahla hadisə yerində qalan uşaq əsas şübhəliyə çevrilir. Həmin gündən etibarən o, həm özünün, həm də ən yaxın uşaqlıq dostu olan balaca qızın həyatını alt-üst edən əsl qatili tapmağı qarşısına məqsəd qoyur.

On üç illik həbs cəzasını başa vuran Atidi azadlığa qovuşur. O, təsadüfən Amrita adlı gənc qadının həyatını xilas edir və onlar arasında qarşılıqlı hisslər yaranır. Buna baxmayaraq, illər əvvəl baş vermiş hadisələrin kölgəsi qəhrəmanın bu sevgiyə arxayınlıqla cavab verməsinə mane olur.

Hindistan istehsalı olan «Athidhi» döyüş filmi 2007-ci ildə nümayiş olunub. Ekran əsərinin quruluşçu rejissoru Surendra Reddi, baş rol ifaçıları isə Mahesh Babu, Amrita Rao, Beby Anni və Malaika Aroradır.