Jackdaw

Keçmiş hərbçi və motokros üzrə çempion Cek kiçik qardaşının gələcəyini təmin etmək üçün gizli bir yükü daşımağı öhdəsinə götürür. Lakin sifarişçilər onu aldadaraq zəhmət haqqını vermirlər. Bundan qəzəblənən baş qəhrəman gətirdiyi bağlamanı özündə saxlamaq qərarına gəlir.

Evə qayıtdıqda isə Cek qardaşının yoxa çıxdığını görür. Doğmasını xilas etmək istəyən gənc köhnə motosikletini işə salır və oğurluqda şübhəli bilinən şəxslərin izinə düşür. «Jackdaw» filmi hadisələrin gərgin ritmlə inkişaf etdiyi motosiklet təqibləri ilə davam edir.

Böyük Britaniya istehsalı olan bu döyüş və triller filmini 2023-cü ildə rejissor Ceymi Çaylds ərsəyə gətirib. Ekran əsərində əsas rolları İndi Rey Moat, James Drummond, Elliot Watson və Tomas Turqus canlandırıblar.