The Lost Viking

Doqquzuncu əsrin ortalarında vikinqlər Avropa torpaqlarına yürüşlər edərək var-dövlət arxasınca qaçırdılar. Gənc döyüşçü Vitar da tayfası və ailəsi ilə birlikdə sərvət qazanmaq arzusu ilə Britaniyaya gəlir. Lakin ocaq başında dincəldikləri zaman qəfil hücuma məruz qalırlar və dəstədən yalnız Vitar sağ çıxa bilir.

Yad diyarda yaxınlarını itirən tənha döyüşçü sağ qalmaq üçün çətin sınaqlardan keçməli olur. Bütün ailəsini itirmiş gənc vikinq düşmənlərindən qisas almaq qərarına gəlir. Bu amansız mühitdə onun güvənə biləcəyi yeganə yoldaşı isə qılıncıdır.

Böyük Britaniya istehsalı olan «The Lost Viking» tarixi macəra filminin rejissoru Emmet Kamminsdir. 2018-ci ildə çəkilən bu döyüş filmində əsas rolları Ceyms Qrum, Les Kenni-Qrin, Kristofer Hemson və Den Staylz canlandırıblar.