Tövbə

Gecə yarısı ağır yaralanmış Viktor Stronq silahla kilsəyə daxil olur. O, keşiş Piteri hədələyərək bütün qapıları bağlamağı əmr edir. Gözlənilməz vəziyyətlə üzləşən din xadimi keçmiş təcrübəsinə arxalanaraq yaralını sakitləşdirməyə və onun başına gələnləri öyrənməyə çalışır.

Məbədin divarları arasında uzun və gərgin bir etiraf gecəsi başlayır. Ata Piter qarşısındakı adamın səmimi tövbə etdiyini və ya yalan danışdığını anlamağa cəhd göstərir. Üstəlik, kilsədə yalnız onlar deyil və Viktorun bəhs etdiyi şəxslər də artıq məkana yaxınlaşmaqdadır.

Böyük Britaniya istehsalı olan «Confession» filmi 2022-ci ildə ekranlara çıxıb. Triller janrında çəkilmiş layihənin rejissoru Devid Betondur. Baş rollarda Kolm Mini, Stiven Moyer, Kris Conson və Kler-Houp Eşiti çəkiliblər.