Transformasiya

Yaxın gələcəkdə Yer kürəsinin havası o qədər zəhərlənir ki, xüsusi qoruyucu maskalar olmadan bayıra çıxmaq qeyri-mümkün hala gəlir. İnsanlar zəhərli mühitdə yaşamağa məcbur qalırlar. Belə bir şəraitdə Ella adlı məşhur supermodel insanlara yenidən sərbəst nəfəs almaq imkanı vəd edən təcrübi bir dərmanı əldə edir.

Lakin sınaq mərhələsində olan bu maddənin təsiri gözlənilməz nəticələr doğurur. Dərmanı qəbul etdikdən sonra Ellanın bədənində sürətli və qorxulu fiziki dəyişikliklər başlayır.

«Transformasiya» (The Fix) elmi-fantastik döyüş filmi rejissor Kelsi İqan tərəfindən ekranlaşdırılıb. ABŞ və CAR istehsalı olan 2024-cü il filminin əsas rollarında Leah Shari Taylor, Henri Lendon, Dawethi Siwundla və Rayan Krüqer çəkiliblər.