The Furies

Küçənin ortasında naməlum şəxslər tərəfindən qaçırılan yuxarı sinif şagirdi Kayla və onun ən yaxın rəfiqəsi Meddi kimsəsiz bir meşədə ayılırlar. Tabutu xatırladan qutulardan çıxan qızlar tək olmadıqlarını başa düşürlər. Onlarla bərabər daha altı gənc qadın da öz iradələri olmadan bu əraziyə gətirilib.

Çox keçmədən məlum olur ki, meşədə toplaşan qızlar qəddar ovun hədəfinə çevriliblər. Müxtəlif silahlar və elektron avadanlıqlarla təchiz olunmuş qatillər onların izinə düşür. «The Furies» filmində əsir düşən qızlar vəhşi təbiətin qoynunda amansız təqibçilərdən qorunmağa çalışırlar.

Avstraliya istehsalı olan bu döyüş və qorxu filmini rejissor Toni D’Akino ərsəyə gətirib və ekran işi 2019-cu ildə təqdim olunub. Layihədə əsas rolları Din Quld, Tom O’Sallivan, Leo Stripp və Daniel Xorvat canlandırıb.