Triggered

Doqquz dost meşədə çadır qurub dincəlmək qərarına gəlir. Birlikdə keçirilən spirtli əyləncə gecəsinin səhəri onlar üçün gözlənilməz sınaqla açılır. Oyanan gənclər hər birinin üzərinə bərkidilmiş metal jiletlərin olduğunu görürlər.

Bu mexanizmlərin üzərindəki taymerlər onların ölümünə qədər qalan vaxtı geri sayır. «Triggered» filminin qəhrəmanları sağ qalmaq naminə amansız bir oyunun iştirakçısına çevrilirlər. Zaman azaldıqca illərin dostluğu arxa plana keçir.

Cənubi Afrika Respublikasında lentə alınan layihə qorxu, triller və komediya janrlarını birləşdirir. 2020-ci ildə ekranlara çıxan filmin rejissoru Alaster Orrdur. Əsas obrazları Kreyq Urbani, Şon Maykl, Kayla Privett və Johan Baird canlandırıblar.