Bir tərəfli yol

«One Way» kriminal filmi Freddi adlı gənc cinayətkarın təhlükəli addımından bəhs edir. O, yerli kriminal avtoritetdən böyük miqdarda pul və narkotik partiyası oğurlayır. Lakin qarşıdurma zamanı ağır güllə yarası alan qəhrəman təqibçilərindən qaçmaq məcburiyyətində qalır.

Özünü xilas etməyə çalışan yaralı Freddi Kaliforniya səhrasına doğru gedən sərnişin avtobusuna minir. Hərəkətdə olan nəqliyyatda vəziyyəti pisləşən qaçaq keçmiş sevgilisinə zəng edir. Tibb işçisi olan həmin qadın peşə borcuna sadiq qalaraq hətta xoşlamadığı insanları belə xilas etməyə borcludur və Freddi məhz onun yardımına ümid bağlayır.

Ekran əsərinin quruluşçu rejissoru Endrü Beyrddir. Əsas rolları Ris Koyro, Luis Da Silva kiçik, Tomas Mörfi və Drea de Matteo canlandırıblar. ABŞ istehsalı olan bu gərgin triller 2022-ci ildə işıq üzü görüb.