Qanqsterlər diyarı

«Gangster Land» adlı kriminal film Al Kapone və onun «Pulemyot» ləqəbli yaxın köməkçisi Cek Makmörrinin irlandiyalı cinayətkar qruplaşma ilə mübarizəsindən bəhs edir. Qarşı tərəfə isə «Dəli» ləqəbli Corc Moran rəhbərlik edir. İki tərəf arasında yaranan gərginlik tezliklə qanlı qarşıdurmalara səbəb olur.

Cinayətkar dəstələr arasındakı toqquşmalar getdikcə daha da kəskinləşir və şəhər küçələrində amansız döyüşlərə çevrilir. Bu qarşıdurma 1929-cu ildə baş verən məşhur Müqəddəs Valentin Günü qətliamı ilə nəticələnir. Pulemyot hücumu zamanı yeddi nəfər həyatını itirir və bu hadisənin birbaşa Kaponenin göstərişi ilə törədildiyi bildirilir.

Ekran əsərini 2017-ci ildə ABŞ rejissoru Timoti Vudvord kiçik lentə alıb. Əsas rollarda Stiven Braun, Cin Kauffman, Mayk Keyps və Filip V. Brüenn çəkiliblər.