Parallellər

Ronan və Beatriks Karver bacı-qardaşı uzun fasilədən sonra atalarından gözlənilməz xəbər alırlar. Analarının vəfatından bəri atası ilə danışmayan Ronan bu dəvətə təəccüblənir. Atasının evinə gələn gənc burada bacısı və qonşuları Haroldla qarşılaşır, sonra isə üçlük birlikdə atasının təyin etdiyi ünvana yollanır.

Şübhəli binanın qarşısında gözləmək əvəzinə içəri daxil olan gənclər gözlənilməz vəziyyətlə üzləşirlər. Çölə çıxanda onlar artıq tanış küçələri deyil, illər əvvəl nüvə partlayışı nəticəsində dağılmış bir şəhərin xarabalıqlarını görürlər.

ABŞ istehsalı olan «Parallels» elmi-fantastik döyüş filmi 2015-ci ildə rejissor Kristofer Leone tərəfindən lentə alınıb. Baş rolları Mark Hapka, Konstans Vu, Nquyen An Hyu və T.C. Touts canlandırıblar.