Qan qardaşlığı

Atasının ölümündən sonra gənc qız onun son vəsiyyətini yerinə yetirmək məcburiyyətində qalır. O, illərdir bir-birindən uzaq düşmüş və tamamilə fərqli həyat sürən üç qardaşını tapıb barışdırmalıdır.

Qardaşların hər birinin öz taleyi var: biri keçmiş polis əməkdaşıdır, digəri şirkət rəhbəridir, ən kiçiyi isə həbsdən yeni çıxmış iyirmi yaşlı oğrudur. Həmin gənc oğlan ümumiyyətlə ailəsinin varlığından xəbərsizdir. Bacı bir-birinə yad olan bu üç insanı ortaq məxrəcə gətirmək üçün yol axtarır.

ABŞ istehsalı olan «The Reunion» filmi 2011-ci ildə rejissor Maykl Pavone tərəfindən çəkilib. Döyüş və dram janrındakı ekran əsərində baş rolları Con Loulor, Ceremaya Bitui, Maykl Sinkler Uolter və Derril Deloaç canlandırıb.