Sabah, müharibə başlayanda

Bir qrup gənc təbiət qoynuna gəzintidən doğma şəhərlərinə qayıdarkən evlərinin yad qüvvələr tərəfindən zəbt edildiyini görür. Ətrafdakı bütün sakinlər ya girov götürülüb, ya da öldürülüb.

«Tomorrow, When the War Began» filmi qəfil hücumla üz-üzə qalan bu gənclərin düşmən mühasirəsindəki vəziyyətini əks etdirir. Onlar doğmalarını və evlərini itirdikdən sonra düşmən qarşısında təkbaşına qalırlar.

Avstraliya istehsalı olan bu hərbi döyüş filmi 2010-cu ildə rejissor Stuart Bitti tərəfindən çəkilib. Baş rolları Keytlin Steysi, Linkoln Lyuis, Don Helbert və Endryu Rayan canlandırıb.