Lukas

Həyat yoldaşını itirdikdən sonra Cənubi Afrikanı tərk edən Lukas Avropaya köçür və burada təkbaşına qızını böyüdür. Ailəsini dolandırmaq məqsədilə gecə klubunda mühafizəçi işləməyə başlayır. Lakin təkəbbürlü bir müştəri ilə baş verən bədbəxt hadisə onun işdən çıxarılması ilə nəticələnir və həmkarı ona dərhal başqa bir striptiz klubunda oxşar iş tapır.

Qəddar və ağır sınaqlardan keçərək işə qəbul olunan Lukas İnterpol əməkdaşının tələbi ilə üz-üzə qalır. Təhlükəsizlik orqanının nümayəndəsi onu yeni müdirini izləməyə və onun haqqında məlumat ötürməyə məcbur edir.

«Lukas» adlı döyüş və dram filmi rejissor Jülyen Leklerk tərəfindən ekranlaşdırılıb. Fransa və Belçika istehsalı olan bu film 2018-ci ildə işıq üzü görüb. Ekran əsərində Kevin Yanssens, Kevin Van Doorslaer, Loren D’İlaya və Xloe Anri çəkiliblər.