Qadın kral

Hadisələr 1823-cü ildə Daqomeya krallığında cərəyan edir. General Naniskanın rəhbərlik etdiyi elit qadın döyüşçülər dəstəsi aqoci, Oyo imperiyasının quldarları tərəfindən qaçırılan qadınları azad edir. Bu addım iki tərəf arasında müharibə təhlükəsi yaradır.

Eyni vaxtda on doqquz yaşlı Navi qəddar namizədlə evlənməkdən boyun qaçırdığı üçün atası tərəfindən saraya, krala pay kimi göndərilir. Beləliklə, gənc qız aqoci sıralarına qatılmaq məqsədilə təlim keçən yeni döyüşçülərin sırasına düşür.

«The Woman King» tarixi döyüş dramı rejissor Cina Prins-Baytvud tərəfindən çəkilib. ABŞ, CAR və İrlandiyanın birgə istehsalı olan ekran əsərində baş rolları Laşana Linç, Sivuyile Nqesi, Bonqo Mbutuma və Deniel Hadebe canlandırıb.