Saloum

Hadisələri 2003-cü ildə cərəyan edən «Saloum» filmi Qvineya-Bisauda baş verən hərbi çevriliş fonunda başlayır. Üç muzdlu döyüşçü böyük məbləğdə mükafat müqabilində yerli narkobaronu ölkədən gizlicə çıxarmaq barədə razılığa gəlir. Qaçış planı hava yolu ilə həyata keçirilməlidir.

Təyyarədə yaranan qəfil nasazlıq silahlı dəstənin planlarını alt-üst edir və onlar təcili eniş etmək məcburiyyətində qalırlar. Sığınacaq tapmaq istəyən qaçaqlar Seneqala, Salum çayının deltasına üz tutur və burada üç gün gizlənməyə qərar verirlər.

Seneqal istehsalı olan bu döyüş və qorxu filmi rejissor Jan Lük Erbulo tərəfindən çəkilib və 2021-ci ildə işıq üzü görüb. Ekran əsərində əsas rolları Yann Qael, Bruno Henri, Babacar Oualy və Mariel Salmye canlandırır.