Günəş altında bir yer

Meşədə qanunsuz ov edən qardaşlar Coel və Metyu Robinson qarətçilərlə və oğurluq pulla dolu çanta ilə qarşılaşırlar. Cinayətkarlardan biri yerindəcə keçinir. Ailəsi uzun müddətdir maddi çətinlik çəkən Coel digər qarətçini sağ qoyaraq pulu götürməyə qərar verir. Alkoqol asılılığı olan Metyunun özünü tamamilə itirəcəyindən qorxan böyük qardaş həqiqəti gizlətsə də, kiçik qardaş tezliklə şübhələnməyə başlayır.

Qardaşlar arasında etibarsızlıq və ciddi qarşıdurma dərinləşdiyi bir vaxtda sağ qalmış amansız qarətçi nəzarətdən qaçır. Psixopat cinayətkar itirdiyi pulları geri almaq üçün hər şeyə hazırdır və dərhal onların izinə düşür.

Cənubi Afrika istehsalı olan «Günəş altında bir yer» (Rust Road) triller filmi 2023-cü ildə rejissor Robin Qud tərəfindən ekranlaşdırılıb. Ekran əsərində əsas rolları Konrad Kemp, Adam Nill, Brendon Deniels və Lens Elliot canlandırıblar.