Hədəfdəki sarışın

Yanacaqdoldurma məntəqəsindəki soyğunun təsadüfi şahidi olan Cimminin bütün planları alt-üst olur. Hadisə yerindən uzaqlaşmağa çalışan gənc, mafiyadan qaçan qəribə bir qadınla qarşılaşır. Çox keçmir ki, bu qızın daxilində iki fərqli şəxsiyyətin — Net və Taşa adlı xarakterlərin yaşadığı üzə çıxır.

Təqibdən qurtulmaq istəyən cütlük okean sahilinə yollanır və oradan gəmi ilə Havay adalarına getməyə ümid edir. Lakin cinayətkar qruplaşma rəhbərinin oğlu qaçaqların izinə düşərək onlarla haqq-hesab çəkmək üçün bütün gücünü səfərbər edir.

ABŞ istehsalı olan «Double Threat» komediya-döyüş filminin rejissoru Şeyn Stenlidir. 2022-ci il ekran işində baş rolları Doun Oliveri, Devid Kastro, Kris Riordan və Mett Qallini canlandırıblar.