Meq: Dərinliklərin canavarı

Sualtı həyatı araşdıran beynəlxalq elmi ekspedisiyanın batiskafı Sakit okeanın ən dərin nöqtəsində gözlənilməz hücuma məruz qalır. İllər öncə nəsli kəsildiyi güman edilən nəhəng varlıq aparatı sıradan çıxarır və heyət okean dibində çarəsiz vəziyyətdə tələyə düşür.

İnsanları xilas etmək üçün çinli okeanoloq peşəkar sualtı dalğıc Conas Teyloru köməyə çağırır, lakin alimin qızı Suyin bu qərara etiraz edir. Komandanı xilas etmək istəyən Teylor 23 metrlik qədim meqalodonla üzləşməlidir. Üstəlik, mütəxəssis keçmişdə bu nəhəng yırtıcı ilə artıq qarşılaşmışdı.

«Meq: Dərinliklərin canavarı» (The Meg) adlı qorxu və döyüş filmi rejissor Con Törtltaub tərəfindən ekranlaşdırılıb. ABŞ və Çinin birgə istehsalı olan bu ekran əsəri 2018-ci ildə nümayiş olunub. Əsas rollarda Robert Teylor, Uinston Çao, Stiven A. Devis və Cessika Maknemi çıxış edirlər.