Mağara

Rumıniya meşələrində axtarış aparan alimlər XIII əsrə aid qədim monastır qalıqları ilə qarşılaşırlar. Dağıntıları araşdırarkən onlar maraqlı bir fakt aşkar edirlər: bu tikili nəhəng yeraltı mağaranın girişi üzərində ucaldılıb. Yerli mütəxəssislər həmin məkanda tamamilə təcrid olunmuş və öyrənilməmiş unikal bir ekosistemin mövcud olduğunu düşünürlər.

Qaranlıq dərinlikləri kəşf etmək üçün Cek və qardaşı Tayler başda olmaqla bacarıqlı dalğıclardan ibarət heyət cəlb edilir. Ekspedisiya üzvləri suyun altında 24 saata qədər qalmağa imkan verən ən müasir texniki avadanlıqlarla təchiz olunurlar. Lakin dərinliyə endikdən sonra tədqiqatçılar yeni flora əvəzinə insan üçün son dərəcə təhlükəli olan naməlum canlılarla üz-üzə gəlirlər.

«The Cave» filmi 2005-ci ildə rejissor Brüs Hant tərəfindən ekranlaşdırılıb. ABŞ, Almaniya və Avstraliyanın birgə istehsalı olan bu döyüş və qorxu filmində əsas rolları Payper Perabo, Koul Hauzer, Devid Kennedi və Marçel Yureş canlandırır.