Avtomata

2044-cü ildə baş verən qlobal təbii fəlakət nəticəsində Yer kürəsində cəmi iyirmi bir milyon insan sağ qalıb. Quru ərazilərin əksəriyyəti radioaktiv səhraya çevrilib və sağ qalanlar uca divarlarla əhatə olunmuş şəhərlərdə süni buludlar altında sığınacaq tapıb. Şəhərlərin fəaliyyətini ROC şirkətinin istehsal etdiyi Piliqrim adlı robotlar təmin edir. Bu robotların təhlükəsizlik mexanizmi insanlara heç bir zərər vurmağa imkan vermir.

Sığorta müfəttişi Jak Vokan növbəti insidenti araşdırarkən gözlənilməz faktlarla üzləşir. Şübhəli hadisələri təhlil edən Jak robotların öz daxili sistemlərini müstəqil şəkildə dəyişdirməyi öyrəndiyini düşünməyə başlayır.

«Autómata» fantastik triller filmi rejissor Qabe İbanyes tərəfindən lentə alınıb. İspaniya və Bolqarıstanın birgə istehsalı olan bu ekran əsəri 2014-cü ildə təqdim edilib. Əsas rollarda Birqitta Yort Sörensen, Kristina Tam, Denni Kirreyn və Endi Nayman çəkilib.