Ölülər Ordusu

Nevada səhrasında hərbi karvanın qəzaya uğraması nəticəsində güclü alfa-zombi sərbəst qalır və ətrafdakıları dərhal yoluxdurur. Qısa müddətdə Las-Veqas tamamilə ölülərlə dolur və təhlükənin qarşısını almaq üçün şəhərin ətrafına yük konteynerlərindən divar çəkilir.

Bir müddət sonra Skott Uord yerli hündürmərtəbəli binalardan birinin sahibindən böyük məbləğdə təklif alır. O, xüsusi dəstə toplayaraq binanın yeraltı anbarında qalmış iki yüz milyon dolları çıxarmalıdır. Əsas çətinlik isə şəhərə nüvə bombası atılana qədər bu təhlükəli planı başa çatdırmaqdır.

2021-ci il istehsalı olan «Army of the Dead» filminin rejissoru Zak Snayderdir. ABŞ istehsalı olan bu döyüş və qorxu filmində rolları Deyv Batista, Cessika Harbek, Brayan Eyveri və digər aktyorlar ifa edirlər.