Spectral

Moldovada hərbi toqquşmalar artıq uzun müddətdir ki, səngimək bilmir. Döyüş bölgəsində adi gözlə görünməyən sirli varlıqlar peyda olmağa başlayır. Həmin anomaliyalar ən təcrübəli və yaxşı silahlanmış əsgərləri belə saniyələr içində məhv edir.

Məsələni araşdırmaq üçün əraziyə alim doktor Klayn göndərilir. O, ən yeni hərbi texnikanın hazırlanmasında birbaşa iştirak edib, lakin mövcud silahlar bu varlıqlara qarşı tamamilə təsirsiz qalır. Klayn bu qüvvələrin nədən ibarət olduğunu və haradan qaynaqlandığını aydınlaşdırmalıdır.

«Spectral» adlı elmi-fantastik döyüş filmini rejissor Nik Matyo ərsəyə gətirib. ABŞ və Macarıstan istehsalı olan bu ekran əsəri 2016-cı ildə yayımlanıb. Baş rolları Ceyms Bədc Deyl, Maks Martini, Mikloş Banyai və Deklan Hənnigen canlandırıb.