Sainikudu

Tibb kollecinin tələbəsi Sidhart və dostları ətrafdakılara kömək etməyi özlərinə borc bilirlər. Əsl döyüşçü kimi hərəkət edən gənclər cəmiyyətə xidmət etməyə çalışırlar. Günlərin birində onlar xalqı talamoqla məşğul olan Papu Yadav adlı qəddar bir adamla qarşılaşırlar.

Ədalətsizliyə dözmək istəməyən gənc intiqam almağa qərar verir. «Sainikudu» filmində Sidhart toy mərasimindən cinayətkarın gəlinini qaçırır. Bu addım vasitəsilə o, düşmənini şantaj edərək qarşısına qoyduğu məqsədlərə çatmağa cəhd göstərir.

2006-cı ilin bu dramatik döyüş filmini rejissor Qunasekhar lentə alıb. Ekran əsərində baş rolları Mahesh Babu, Trisha Krishnan, Irrfan Khan və Prakash Raj canlandırıblar.