Qəzəb günü

Hadisələr XVI əsr İspaniyasında, inkvizisiyanın hökm sürdüyü qaranlıq dövrdə cərəyan edir. Sakit əyalət şəhərində əsilzadələrin ard-arda qətlə yetirilməsi yerli əhalini təşvişə salır. Sakinlər bu qanlı əməlləri şeytanın işi hesab etsələr də, məsumların müdafiəçisi olan şerif Ruy De Mendoza cinayətlərin arxasında duranların izinə düşür.

Qanun keşikçisi heç bir mistik qüvvəyə inanmır və qətlləri insan əli ilə törədilmiş amansız plan sayır. Gizli sirləri addım-addım açan Mendoza gözlənilməz həqiqətə yaxınlaşır. Lakin bir müddət sonra tapılan dəlillər şerifin özünü hədəfə alır və o, vicdanı ilə ailəsinin həyatı arasında ağır seçim qarşısında qalır.

«Qəzəb günü» adlı detektiv triller filmi rejissor Adrian Rudomin tərəfindən çəkilib. Böyük Britaniya və Macarıstanın birgə istehsalı olan 2006-cı il ekran əsərində baş rolları Fernanda Doroqi, Krista Doroqi, Haynalka Kuran və İren Bordan canlandırıb.