Nəzarətçi

Komissar Mattei aylardır bankları qarət edən təhlükəli cinayətkar dəstənin arxasınca düşüb. Növbəti soyğun zamanı polislər onları yaxalamağa çox yaxınlaşsa da, binanın damında mövqe tutan gizli snayper əməliyyatı pozur və polisləri hədəf alaraq dəstənin qaçmasına kömək edir. Anonim zəngdən sonra həmin snayperi həbs etmək mümkün olsa da, o, ona xəyanət edən şəxsi tapmaq üçün qaçmağı bacarır.

Mattei təqib etdiyi bu şəxsin Əfqanıstandakı hərbi əməliyyat vaxtı oğlunun ölümünə səbəb olduğunu öyrəndikdən sonra məsələ şəxsi qisas xarakteri alır. Qaçaq snayper öz düşmənini axtararkən, komissar da onu yenidən yaxalamaq üçün hərəkətə keçir.

«Nəzarətçi» filmi Fransa, İtaliya və Belçikanın birgə istehsalı kimi 2012-ci ildə ekranlara çıxıb. Triller janrında olan bu layihənin rejissoru həm də rollardan birini oynayan Mikele Plaçidodur. Əsas rollarda Daniel Otoy, Luka Arcendero və Flavyen Tassar çəkiliblər.