Nəfəs alma 2

Gözləri görməyən qoca qanlı keçmişindən uzaqlaşaraq sakit bir guşədə yeniyetmə qızı Feniks ilə birgə yaşamağa başlayır. O, qızını kənar təsirlərdən tamamilə qoruyur, məktəbə getməyə icazə vermir və mümkün basqınlara qarşı daim ağır təlimlər keçməyə məcbur edir.

Feniks bu cür sərt nəzarətə qarşı etiraz etsə də, qocanın ehtiyat tədbirləri tezliklə özünü doğruldur. Gecələrin birində silahlanmış cinayətkarlar dəstəsi onların sığındığı evə hücum edir və hər kəs üçün təhlükəli qarşıdurma başlayır.

ABŞ istehsalı olan «Don't Breathe 2» triller filmi rejissor Rodolfo Sayaqes tərəfindən lentə alınıb. 2021-ci ildə nümayiş olunan layihənin baş rolunu Stiven Lenq canlandırıb, digər obrazlarda isə Ron Roqell, Bobbi Şofild və Stefani Arsila çıxış edir.