Kreyser

1945-ci ilin yayında İkinci Dünya müharibəsinin bitməsinə cəmi bir neçə həftə qalmışdı. Kapitan Çarlz Makveyin rəhbərlik etdiyi ABŞ hərbi kreyseri Tinian adasındakı bazaya atom silahının komponentlərini çatdırmaq tapşırığı alır. Kamikadze hücumundan sonra təmiri tam başa çatmayan gəmi bu məxfi missiya üçün tələsik dənizə çıxır.

Yük təhvil verildikdən sonra Filippin dənizi boyunca geriyə qayıdan tənha gəmi düşmən hədəfinə çevrilir. Yapon sualtı qayığı tərəfindən vurulan nəhəng hərbi kreyser batır və yüzlərlə dənizçi açıq okeanda qalır.

ABŞ istehsalı olan «Kreyser» (USS Indianapolis: Men of Courage) tarixi hərbi filmi 2016-cı ildə rejissor Mario Van Piblz tərəfindən ekranlaşdırılıb. Filmin əsas rollarında Veronika Rozati, Castin Nesbitt, Çariti Sills və Çarlz Vaydman çəkiliblər.