Hədəf altında

Liberti Uollas beynəlxalq silah alverçisinin həyat yoldaşıdır. Günlərin birində o, qızını itirmiş qəzəbli bir atanın hədəfinə çevrilir. Həmin uşaq Libertinin ərinin şirkəti tərəfindən satılmış tapançadan açılan atəş nəticəsində həlak olub. Qisas almaq istəyən ata qadını girov götürərək öz şərtlərini irəli sürür.

Cinayətkar tələbləri yerinə yetirilməyəcəyi təqdirdə Libertinin ərinin də olduğu teatr binasını partlatmaqla hədələyir. Qadın tamaşaçıların həyatını xilas etmək naminə təcavüzkarın qaydaları ilə hərəkət etmək məcburiyyətində qalır. O, heç nədən çəkinməyən bu təhlükəli insanla çətin və riskli bir mübarizəyə girir.

«Liberty Stands Still» filmi 2002-ci ildə Kanada və Almaniya kinematoqrafçıları tərəfindən çəkilib. Triller janrındakı bu ekran işinin rejissoru Kari Skoqlanddır. Baş rolları Linda Fiorentino, Rekxa Şarma, Hilda van Der Mulen və Qreqori Kalpakis canlandırıblar.