Qanundan kənar

Şəhər küçələri qırxıqbaş dəstələrin nəzarəti altına keçir və polis belə bu məhəllələrə ayaq basmağa cəsarət etmir. Quldurların vəhşiliklərindən cana doymuş dinc sakinlər özünümüdafiə dəstəsi yaratmaq qərarına gəlirlər. Bu cür qarşıdurmalarda təcrübələri olmadığı üçün İraq müharibəsindən yenicə qayıtmış veteran Brayantı özlərinə rəhbər seçirlər.

Mülki həyatdan narazı qalan və ədalətsiz düzəni dəyişmək istəyən hərbçi həmin şəxsləri sərt şəkildə hazırlamağa başlayır. Qəddar və amansız üsullarla o, adi insanları küçə döyüşçülərinə çevirir. Lakin çox keçmədən yeni ədalət müdafiəçiləri öz yaratdıqları qəddarlığın əsirinə çevrilirlər və zorakılıq həvəsi onlar üçün ən təhlükəli tələ olur.

Böyük Britaniya istehsalı olan «Qanundan kənar» (Outlaw) filmi 2007-ci ildə ekranlara çıxıb. Triller və döyüş janrında çəkilən filmin rejissoru Nik Lavdır. Əsas rolları Pol MakNeylli, Amelda Braun, Kirk Cons və Allan Aldred canlandırıblar.