Spartalı

Xüsusi dövlət xidmətinin əməkdaşı Skott Harvard Universitetinin itkin düşmüş tələbəsi Lora Nyutonun axtarışı ilə bağlı tapşırıq alır. Məsələ burasındadır ki, qızın atası tanınmış siyasətçidir və qaçıranlar girovun əsl kimliyini anlamamalıdır.

Cinayətkarların izinə düşən xüsusi agent prosesi vaxtında bitirə bilmir və məlumat mətbuata sızır. Jurnalistlər qızın dərslərə gəlmədiyini ictimaiyyətə çatdırır, bir qədər sonra isə xəbərlərdə Loranın okeanda tapılan cəsədi barədə məlumat yayılır.

ABŞ və Almaniyanın birgə istehsalı olan «Spartalı» filmi 2004-cü ildə ekranlara çıxıb. Triller janrında çəkilən filmin rejissoru Devid Memetdir, əsas rolları isə Robert Bella, Uilyam H. Meysi, Morris Lamor və Klark Qreqq canlandırıb.