Təcili yardım

Hərbi keçmişi olan Uill Şarp ölümcül xəstəliyə tutulmuş xanımının təcrübi əməliyyatı üçün təcili vəsait axtarışına çıxır. Çıxış yolu tapmaq məqsədilə cinayət aləmində tanınan ögey qardaşı Denniyə üz tutur. Denni isə ona bank qarətində iştirak etməyi təklif edir.

Basqın zamanı işlər planlaşdırıldığı kimi getmir və qardaşlar aradan çıxmaq üçün təcili tibbi yardım maşınını qaçırmaq məcburiyyətində qalırlar. Nəqliyyat vasitəsində həkimlə yanaşı ağır yaralı patrul polisi də var. İndi onların sağ qalmaq və ömürlük həbsdən yaxa qurtarmaq üçün tək şansı həmin polisin həyatını xilas etməkdir.

«Ambulance» filminin rejissoru Maykl Beydir. ABŞ və Yaponiya istehsalı olan bu döyüş filmi 2022-ci ildə işıq üzü görüb, əsas rolları isə Sedrik Sanders, Annabel Qurviç, Çelsi Harris və Oliviya Stambulia canlandırıb.