Unhinged

Boşanma ərəfəsində olan tənha ana Reyçelin səhəri son dərəcə uğursuz başlayır. Yuxudan gec oyanan qadın oğlunu məktəbə apararkən böyük tıxaca düşür və gecikdiyi üçün sonuncu müştərisini də itirir. Vaxt qazanmaq məqsədilə yolu qısaltmağa çalışan Reyçel yolda başqa bir sürücü ilə mübahisə edir və ondan üzr istəməkdən boyun qaçırır.

Qarşılaşdığı həmin sürücü isə yenicə ağır cinayət törətmiş təhlükəli bir adamdır. İnadkar qadının hərəkətindən qəzəblənən naməlum kişi Reyçelə unudulmaz və qorxunc bir gün yaşadacağını bildirərək onu təqib etməyə başlayır.

2020-ci il istehsalı olan «Unhinged» triller filmi ABŞ və Böyük Britaniya kinematoqrafçılarının birgə layihəsidir. Ekran əsərinin rejissoru Derrik Bortedir. Baş rolları Rassel Krou, Sintiya LeBlan, Devin A. Tayler və Qordon Deksheymer canlandırıblar.