Elflər rəhbəri

Sıx meşələrin dərinliyində yerləşən qədim Lloris şəhəri bir vaxtlar elflər tərəfindən salınsa da, insanlar onları öz yurdlarından qovublar. İndi şəhərə sakinləri amansızcasına istismar edən qəddar bir şerif rəhbərlik edir. Onun artırdığı vergilər əhalini yoxsulluğa və aclığa sürükləyir, narazılıq edənləri isə zindan, işgəncə və sürgün gözləyir.

Çarəsiz qalan yerli camaat zülmə qarşı üsyan qaldırmağa hazırlaşır. Şəhərlilər qurtuluş üçün qədim sehrli güclərə malik olan və təcrid olunmuş elflərdən yardım istəmək qərarına gəlirlər. Lakin iki yüz ildir insanlarla əlaqə saxlamayan elflər onlara güvənmir və öz sakit dünyalarını qorumağa çalışırlar.

Rejissor Stüart Brennan tərəfindən çəkilən «Warlord» filmi 2025-ci ildə ABŞ-da istehsal olunub. Döyüş janrındakı ekran əsərində baş rolları Melani Zaft, Emma Overend, Coanna Strafford və Felisiti Houlbruk canlandırır.