Sonsuzluq

Evan uşaqlıqdan bəri heç vaxt öyrənmədiyi bacarıqlara sahibdir və yaşamadığı hadisələri aydın şəkildə xatırlayır. Həkimlər ona şizofreniya diaqnozu qoyublar, buna görə də o, gündəlik həyatında güclü sakitləşdirici dərmanlardan asılı qalır.

Növbəti dəfə həb tapmaq cəhdi davaya çevrilir və Evan polis tərəfindən saxlanılır. Bölmədə onun qarşısına qəribə bir adam çıxır. Həmin şəxs Evanı İkinci Pun müharibəsi dövründən bəri yaxından tanıdığını iddia edir.

"Sonsuzluq" (Infinite) fantastik döyüş filmini rejissor Antuan Fukua çəkib. ABŞ istehsalı olan bu film 2021-ci ildə işıq üzü görüb. Əsas rollarda Cumeyn Hanter, Tobi Cons, Cek Rot və Kler Spens çəkiliblər.