Qara və mavi

Yeni Orlean polisində xidmət edən gənc qadın patrul əməkdaşı gözlənilmədən ağır cinayətin şahidinə çevrilir. O, korrupsiyaya qurşanmış digər polislərin narkotaciri qətlə yetirməsini görür. Baş verənlərin hamısı onun üzərindəki xidməti kameranın yaddaşına yazılır.

Cinayəti gizlətmək istəyən zabitlər qeydi məhv etmək üçün qadının izinə düşürlər. İş bununla bitmir: onlar cinayətkar dəstəni inandırırlar ki, narkotacirin ölümünə səbəb məhz həmin patrul əməkdaşıdır.

ABŞ istehsalı olan «Black and Blue» triller filmi 2019-cu ildə rejissor Deon Teylor tərəfindən çəkilib. Ekran əsərində rolları Ceykob Qarsia, Treys Şerami, Preşes Cenkins və Entoni Maykl Frederik canlandırıb.