Bobbi Z-nin ölümü və həyatı

Narkotiklərlə mübarizə idarəsinin agenti Ted Qruza həbsxanada cəza çəkən keçmiş hərbçi Tim Kirniyə azadlıq vəd edir. Bunun müqabilində məhbus xüsusi bir əməliyyatda iştirak etməlidir. Ondan tələb olunan yeganə şey bu yaxınlarda həyatını itirmiş narkobaron Bobbi Z-nin cildinə girmək və onun rolunu oynamaqdır.

Lakin düşünülmüş plan ilk andan etibarən nəzarətdən çıxır. Hadisələr tamamilə başqa məcraya yönəlir və Tim fürsətdən istifadə edərək qaçmağa nail olur. Üstəlik, o, tək getmir və Bobbi Z-nin azyaşlı oğlunu da özü ilə birlikdə aparır.

«The Death and Life of Bobby Z» kriminal döyüş filmi 2006-cı ildə ABŞ və Almaniya kinematoqrafçılarının birgə istehsalı kimi təqdim edilib. Con Hertsfeldin rejissorluq etdiyi layihədə əsas obrazları Ceyson Lyuis, Daqq Kirkpatrik, Marqo Martindeyl və Klodin Oriol canlandırıblar.