Sükut andı

Uğurlu hüquqşünas Frenk Valera müxtəlif cinayətkarları müdafiə edərək söz ustalığı sayəsində böyük şöhrət qazanmışdı. Onun üçün həyatda ən dəyərli varlıqlar isə həyat yoldaşı və qızı idi. Qızının məktəb tədbirinə gecikdiyi gün ailəsinin amansızcasına qətlə yetirildiyini öyrənən Frenkin bütün dünyası alt-üst olur.

Yaxınlarının itkisinə dözə bilməyən kədərli ata və ər qatilləri tapıb intiqam alana qədər susmaq barədə sərt qərar qəbul edir. Beləliklə, o, danışmaqdan tamamilə imtina edərək günahkarları şəxsən tapmaq və cəzalandırmaq üçün təhlükəli bir yola çıxır.

ABŞ və Bolqarıstan istehsalı olan «Sükut andı» (Acts of Vengeance) adlı döyüş filmi 2017-ci ildə ekranlara çıxıb. Rejissor kürsüsündə Ayzek Florentayn əyləşib. Əsas rolları Konstantin İkonomov, Devid Sakuray, Pas Veqa və Laura Qioş ifa ediblər.