Djúpið

1984-cü ilin mart ayında İslandiyanın cənub sahillərindən bir qədər aralıda balıqçı gəmisi qəzaya uğrayır və batır. Bütün heyətin həyatını itirdiyi bu fəlakətdə yalnız bir dənizçi sağ qalmağı bacarır. O, dondurucu dəniz suyunda altı saat boyunca mübarizə apardıqdan sonra dalğalar onu kimsəsiz bir quruya atır.

Sahilə çıxan qəhrəman özünü vulkanik və yaşayış olmayan bir adada tapır. Şaxtalı sulardan xilas olsa da, quruda qarşılaşdığı çətinliklər səbəbindən dənizçinin üzləşdiyi sınaqlar hələ də bitmir.

Real hadisələrə əsaslanan «Djúpið» dram filmi 2012-ci ildə İslandiyada istehsal olunub. Ekran əsərinin rejissoru Baltasar Kormakurdur. Əsas rollarda Palmi Kormakur Baltasarsson, Byarni Qautur, Kristján Franklin Magnúss və María Reyndal çəkiliblər.